Prezident Shavkat Mirziyoyev qaroriga muvofiq, 2025-yildan boshlab adabiyot, madaniyat, san’at, ilm-fan va raqamli texnologiyalar sohalarida yuksak yutuqlarga erishgan ijodkor va ziyolilarni rag‘batlantirish maqsadida “Kelajak merosi” xalqaro mukofoti joriy etiladi.
Mukofot quyidagi yo‘nalishlarda topshiriladi:
adabiyot;
madaniy meros;
teatr va kino;
musiqa va raqs;
tasviriy va amaliy san’at;
moda va dizayn;
ilm-fan, ta’lim va raqamli texnologiyalar.
Har bir yo‘nalish g‘olibi statuetka, diplom va 10 ming AQSH dollari bilan taqdirlanadi.
“Kelajak merosi” mukofoti — O‘zbekistonning madaniy-ma’naviy salohiyatini yuksaltirish, milliy va umumbashariy qadriyatlarni birlashtirgan ijodkorlarni e’tirof etishga xizmat qiladigan muhim tashabbusdir.
