Har bir yoshning ertangi kunidan umidi katta bo‘ladi. Ana shu umid bilan oldinga intiladi. Kimdir san’atga, kimdir adabiyotga, ilm-fanga qiziqsa, kim uchundir sport hayotining mazmuniga aylanib ulgurgan bo‘ladi. Albatta, sport insonni chiniqtirish bilan birga, muvaffaqiyatlar olib keladi. Natija va yutuqlar esa maqsadlarni yanada qat’iylashtiradi.
Koreyada paraolimpiya oʻyinlariga muhim reyting ball beruvchi musobaqa ham ayni maqsadga xizmat qildi. Ushbu musobaqada Sariosiyo tumanidan Qizlarxon Isomiddinova 3-o‘rinni egalladi. Tuman sport maktabida Qizlarxon Isomiddinova munosib kutib olindi.
Qizlarxonga havas bilan boqayotgan yoshlar xuddi u kabi muvaffaqiyatlarga erishishni havaslagan bo‘lsa, ajab emas.
