TISU “YÖK”ka a’zo

Termiz iqtisodiyot va servis universiteti (TISU) xalqaro hamkorlikni yanada kengaytirish yo‘lida navbatdagi muhim qadamni tashladi. Universitet Turkiya Oliy ta’lim kengashi (YÖK) tomonidan rasman tan olinib, mazkur tizimga a’zo bo‘ldi.
Bu bilan TISU diplomlari va akademik darajalari Turkiya oliy ta’lim muassasalari tomonidan rasman tan olinadi. Shu bilan birga, talabalar va professor-o‘qituvchilar uchun xalqaro almashinuv, qo‘shma ta’lim va ilmiy loyihalarda ishtirok etish, Turkiya grant dasturlari va stajirovkalarda qatnashish imkoniyatlari yanada kengayadi.
Shuningdek, universitet Istanbul Medipol universiteti va Medipol klinikasi, shuningdek, Ozarbayjonning nufuzli oliy ta’lim muassasalari bilan hamkorlik munosabatlarini yo‘lga qo‘ydi.