Ko‘chatchilik yanada rivojlantiriladi

Yurtimiz bo‘ylab “Yashil makon” umummilliy loyihasi doirasida keng miqyosda daraxt ko‘chatlari ekilib, ularning parvarishiga alohida e’tibor qaratilmoqda. Turga gapki, bunday sa’y-harakatlar ko‘chat yetishtirish bo‘yicha ham muhim qadamlar tashlanishi lozimligini ko‘rsatadi.
Ko‘chatchilikni yanada rivojlantirish va sohada ilmiy yechimlarni keng joriy etish maqsadida Sariosiyo tumanida joylashgan “UzAgroLider” MCHJning hududida viloyat o‘quv-amaliy seminari tashkil etildi. Tadbir doirasida lola daraxti, ko‘k kiparis, kashtan, nandina, Italiya sireni, katalpa, kanpak tuya, qarag‘ay, yasin, Qrim qarag‘ayi, oddiy archa, qora kiparis, uzum, xurmo, o‘rik kabi daraxt ko‘chatlarini intensiv usulda yetishtirish loyihalari va viloyat Agroxizmatlar markazi faoliyati yuzasidan taqdimotlar o‘tkazildi.
Seminarda Surxondaryo viloyati hokimi Ulug‘bek Qosimov ishtirok etib, viloyatning turli hududlaridan tashrif buyurgan ko‘chatchilik yo‘nalishidagi fermer xo‘jaliklari rahbarlari, bog‘bonlar va tadbirkorlar bilan muloqot qildi. Tadbirda sohadagi muammolar, ularning yechimlari hamda yangi loyihalarni amalga oshirish masalalari muhokama qilinib, tegishli vazifalar belgilab olindi.