IIBga sayohat

Maxsus kiyim kiyish, vatan xizmatiga otlanish, uning sarhadlarini himoya qilish, ichki xavfsizligini asrash havasi aksariyat yoshlarning qalbida bolalikdanoq uyg‘onadi. Ayniqsa, ayni sohada yaqinlari faoliyat yuritsa yoki sohaga faoliyati bilan yaqindan tanishsa, bu orzu yanada alanga olishi aniq.
Jarqo‘rg‘on tumani IIB boshlig‘i podpolkovnik A.Berdinazarovning tashabbusi bilan yoshlarning bo‘sh vaqtlarini mazmunli o‘tkazish va ularni vatanparvarlik ruhida tarbiyalash maqsadida Jarqo‘rgon tuman Ichki ishlar bòlimiga bir kunlik sayohat tashkilashtirdi.
Sayohat davomida yoshlar bilan samimiy muloqot o‘tkazildi. Uchrashuv davomida yoshlar xizmat qurollari, ulardan foydalanish haqida ma’lumotlar olishdi. Ushbu tanishuv haqiqatan ham sayohatchi yoshlarning kasbga bòlgan qiziqishlarini oshirdi.