Surxondaryo viloyati hokimi Ulug‘bek Qosimov rahbarligida Boysun tumanida videokonferensaloqa shaklida hududiy studiyalarda yoshlar bilan ishlash samaradorligi tahlil qilindi. Tadbirda hududlar rahbarlari va mas’ullarning har bir yosh bilan individual ishlash, ularning tashabbus va g‘oyalarini qo‘llab-quvvatlash, jamiyatda o‘z o‘rnini topishiga ko‘maklashish hamda sog‘lom hayot tarziga yo‘naltirish borasidagi faoliyati atroflicha ko‘rib chiqildi.
Shuningdek, mas’ullarga kelgusida amalga oshirilishi lozim bo‘lgan vazifalar va chora-tadbirlar aniq belgilab berildi, manzilli ishlash tizimi doirasida yoshlar bilan samarali ish olib borish masalalariga alohida e’tibor qaratildi. Tadbir yoshlar bandligi va ularning ijtimoiy faolligini oshirish bo‘yicha hududiy mas’ullik tizimini yanada mustahkamlashga xizmat qilmoqda.
