Har bir yosh uning taqdiriga, ertangi kuniga qiziqqanlarini ko‘rib, o‘zini-da o‘z taqdiriga daxldor sanay boshlaydi. O‘ziga talab va mas’uliyatni oshiradi. Ularning qiziqish va layoqatidan kelib chiqib, munosib undov qilinganda esa natija yanada yaxshiroq bo‘ladi. Angor tumani hokimi Qosim Mardonov hamda Surxondaryo viloyati Yoshlar siyosati va sport bosh boshqarmasi boshlig‘i Abdumutal Arabov ham ayni maqsadda Angor tumanidagi sport maktabiga tashrif buyurdilar va sportga oshno ko‘ngillar bilan samimiy suhbatlashdilar.
Tuman va soha rahbarlarining kuyunchaklik bilan yoshlarning ko‘ngliga qo‘l solib, ular bilan qiziqayotgani o‘z navbatida yoshlarni ham quvontirgani rost. Suhbatdan ruhlangan yosh sportchilar o‘z qiziqish va orzu-maqsadlari, erishgan yutuqlari haqida so‘zladilar. So‘z isboti bilan deganlaridek, mehmonlar o‘quvchilarning mashg‘ulot jarayonlarini ham kuzatishdi. Ularga esdalik sovg‘alari topshirib, kelgusi ishlariga omad va muvaffaqiyatlar tilashdi.
Sohibjamol
