8-mart — Xalqaro xotin-qizlar bayrami. Bu bayram yosh-u keksa, sog‘-u betob bo‘lmasin, barcha-barcha ayollarimiz uchun birdek xursandchilik, shodlik ulasha olishi lozim. Hech bir ayol ko‘ngli ushbu sanada kemtiklik sezmasligiga ahd qilgan mard o‘g‘lonlar, akalar, ukalar, yaqinlar tashabbus ko‘rsatib, kutilmagan sovg‘alar, samimiy va ezgu tilaklar guldastasini yog‘dirib, tabiatning nozik xilqat vakilalarini shod etayotganlari rost.
Qiziriq tuman hokimi tashabbusi bilan esa kam taʼminlangan, yotib qolgan mehnat faxriylari, nuroniylar onaxonlar, homilador ayollar ham e’tibordan chetda qolmadi. Ayni ular uchun tibbiy ko‘rik tashkil etilgani-da o‘ziga xos tuhfa deyish mumkin. Bayram oldi xotin-qizlar tekshiruvlardan o‘tib, malakali shifokorlardan zarur maslahat va muolajalar ham olishdi.
Hilol
