Termiz shahridagi Matbuot uyida “Qishloq xo‘jaligiga mo‘ljallanmagan yer uchastkalarini xususiylashtirish borasida amalga oshirilgan ishlar” mavzusida matbuot anjumani bo‘lib o‘tdi. Tadbirda Davlat aktivlarini boshqarish boshqarmasi masʼul xodimi Rahmatullo Qurbonov so‘zga chiqib, Davlat kadastrlari palatasi Surxondaryo viloyati boshqarmasi tomonidan amalga oshirilgan ishlar yuzasidan ma’lumot berdi. Shuningdek, O‘zbekiston Respublikasi Vazirlar Mahkamasining “Qishloq xo‘jaligiga mo‘ljallanmagan yer uchastkalarni xususiylashtirish to‘g‘risida”gi O‘zbekiston Respublikasi qonunini amalga oshirish chora-tadbirlari haqida” qarori borasida to‘xtaldi.
Mazkur qaror bilan fuqarolarga va yuridik shaxslarga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini xususiylashtirish jarayonidagi to‘lov summasi pasaytirildi hamda qishloq xo‘jaligiga mo‘ljallanmagan yer uchastkalarini auksion savdolariga chiqarishning soddalashirilgan yangi tartibi joriy qilindi.
Jismoniy va yuridik shaxslarda doimiy foydalanishda (egalikda) bo‘lgan xususiylashtirilayotgan yer uchastkasini sotib olish qiymati barcha hududlar bo‘yicha yer solig‘ining bazaviy soliq stavkasi 10 barovarga boshqa hududlarga 5 baravari miqdoriga kamaytirildi. 2022-2023-yillar mobaynida 3178 ta jismoniy va yuridik fuqarolar tomonidan arizalar topshirilgan, shundan 70 tasi 1,36 milliard so‘mga xususiylashtirilib, davlat orderlari berilgan.
Shu jumladan matbuot anjumani davomida elektron onlayn auksionlarni tashkil etish markazi viloyat vakili Lutfullo G‘oipov onlayn auksionlarni tashkil etish tartibi haqida tushuntirdi.
Yakunda jurnalistlar o‘zlarini qiziqtirgan savollarga mutaxassislar tomonidan atroflicha javob oldilar.
D.Qo‘zimurodova,
N.Muhibulloyev
(surat)
