42 nafar MFY raisi Jizzaxda tahsil olmoqda

Date:

Nigora Mirzaqulova Termiz shahridagi “Shodlik” mahalla fuqarolar yig‘ini raisi. Mahalla ahli opani yaxshi taniydi va hurmatlaydi. Shu sababdan ham bir necha marotaba rais sifatida tanlab, ishonch bildirishgan. Bu ishonch esa mahalla raisasining mas’uliyatini oshiradi. Har doim yanada yaxshi ishlashga, mahalla ahliga naf keltirishga, tifoqligini, ahilligini ta’minlashga urinadi. O‘z o‘rnida kerakli yordamni berib, ko‘pning duosini olib kelayotir.
Ammo, shunga qaramay mahalla raisasining armoni bor edi. Doimo oliy ma’lumotli bo‘la olmaganidan o‘ksinardi. Chin dildan istak bo‘lsa, har qanday orzu o‘z ro‘yobini topar ekan. Buni Nigora Mirzayeva misolida ko‘rish mumkin. Pensiya yoshiga yetganiga qaramay, qilgan mehnatlari, zahmatlari bugun uni oliygoh talabasi bo‘lishiga sabab bo‘ldi. Opa 1-bosqich talabalari qatorida tahsil olayotir.
Opa yanglig‘ Surxondaryo va Qashqadaryo viloyatlaridan 42 nafar mahalla fuqarolar yig‘ini raisi davlat granti asosida sirtqi taʼlim shakli bo‘yicha O‘zbekiston Milliy universiteti Jizzax filialida tahsil olayotgani nafaqat ular, balki yaqinlari, mahalla ahli uchun ham quvonchli hodisa. Bunday katta imkonni bergan davlatimizdan minnatdor tarzda tahsilni boshlab yuborgan mahalla raislari har bir dars jarayonlarini sidqidildan o‘zlashtirishga kirishishgan.
Sirtqi ta’limni boshlab yuborgan MFY raislarining kichigi 40 yoshdan oshgan bo‘lsa, ulug‘i 67 yoshda. Amaldagi qonunchilikka ko‘ra mahalla fuqarolar yig‘ini raisi qoida tariqasida oliy maʼlumotli bo‘lishi kerak. Shu sababli davlatimiz rahbari tashabbusi bilan yaratib berilgan imkoniyatdan foydalangan surxondaryolik va qashqadaryolik oqsoqollar oliy o‘quv yurtida ijtimoiy yo‘nalishda bilim hamda ko‘nikmalarini mustahkamlamoqda.

S.Normurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun