Qiziriq tumanining Yangi hayot mahallasida aholi, xususan, yoshlar va nuroniylarning mazmunli hordiq chiqarishi uchun mo‘ljallangan “Istara” istirohat bog‘i foydalanishga topshirildi. Ochilish marosimida viloyat hokimi Ulug‘bek Qosimov, tuman hokimi Sherxon Allamurotov, viloyat nuroniylari, jamoatchilik vakillari va mahalla aholisi ishtirok etdi.
Bog‘ hududida yashil maydonlar tashkil etilib, bolalar uchun xavfsiz attraksionlar o‘rnatilgan. Yangi maskan mahalla aholisi, ayniqsa, bolalar va oilalarning bo‘sh vaqtini mazmunli o‘tkazishi uchun xizmat qiladi.
Tadbirda nuroniylar yangi istirohat bog‘i uzoq yillar davomida aholiga xizmat qilishi, yurtimiz tinchligi va farovonligi bardavom bo‘lishini tilab, duoga qo‘l ochdi.
