Ko‘rik-tanlovlar, tadbirlar iste’dodlarning iqtidorini namoyish etishda, o‘zlarini ko‘rsatib, yanidan-yangi qirralarining kashf etilishida katta maktab vazifasini o‘taydi. Muhimi yarq etgan iste’dod borki, izlanishdan to‘xtamasligi, bor imkoniyat va mahoratini ishga solishi kerak. Ispaniyada bo‘lib o‘tgan “OPEN ASIA” xalqaro ko‘rik-tanlovi ham yosh iqtidorlarga, san’atga oshno ko‘ngillarga ana shunday imkonni bera oldi.
Nufuzli ko‘rik-tanlovda Sherobod tumanidagi 8-sonli bolalar musiqa va san’at maktabining bir guruh o‘quvchilari ham ishtirok etdi. Dutorchi qiz Charos Absoatova hamda duet ijroda Sevinch Pattayeva va Sadoqat Mirzayeva o‘z yosh toifalarida ishtirok etib, o‘z san’atlarini namoyish etishdi. Malakali hakamlar yosh san’atkorlarning mehnatini munosib baholab, faxrli 1-darajali diplom va tanlovning oltin medallari bilan taqdirlashdi.
S.Davlatova
