Tasavvur qiling, sayohatga chiqdingiz, o‘sha davlatning tilni bilmasangiz, sizga yordam beradigan va qiyin vaziyatga tushishdan asrovchi bir jihat bu — yo‘llar bo‘yida o‘rnatilgan yo‘l ko‘rsatkichlari. Ana shu belgilar orqali qayerga borishni reja qila olasiz. Demak, yurtimizda ham sayyohlar uchun eng avvalo, qulay sharoit yarata olish lozim. Ko‘rsatiladigan xizmat turlarini kengaytirb, ichki turizmni rivojlantirsakkina sayyohlar e’tiborini jalb etgan bo‘lamiz. Shu maqsadda Sariosiyo tumanining asosiy yo‘llari bo‘yida o‘zbek va ingliz tillaridagi turistik obektlarga olib boruvchi yo‘l ko‘rsatkichlari o‘rnatish ishlari jadallik bilan amalga oshirilmoqda.
Ushbu yo‘l ko‘rsatkichlari, qolaversa, turizm xizmatlarini to‘g‘ri yo‘lga qo‘yish orqali Sariosiyo tumaniga tashrif buyurgan har bir mehmon qayerda mehmonxona joylashgani-yu, ovqatlanish punktlari, savdo nuqtalariga bora oladi. Xullas bunday xizmat turi viloyat hududlari bo‘ylab harakatlanishda qulaylik yaratadi.
Sohibjamol
