Termiz davlat universiteti sport maydonida oliy ta’lim muassasalari talabalari o‘rtasida “Besh tashabbus olimpiadasi” doirasidagi yengil atletika musobaqasining Surxondaryo viloyat bosqichi bo‘lib o‘tdi.
Unda 6 ta oliy ta’lim muassasasining saralash bosqichlarida g‘oliblikni qo‘lga kiritgan 24 nafar talabasi ishtirok etdi. Yosh sportchilar chaqqonlik, tezlik va jismoniy tayyorgarlik bo‘yicha o‘zaro bellashdi.
Yakuniy natijalarga ko‘ra, Termiz davlat universiteti jamoasi birinchi, Termiz davlat pedagogika instituti jamoasi ikkinchi, Samarqand davlat universitetining Denov tadbirkorlik va pedagogika instituti jamoasi uchinchi o‘rinni egalladi.
