Qumqo‘rg‘on tumanida “O‘rta shaharlarni kompleks rivojlantirish” loyihasi doirasida 11 ta mahallani markazlashgan ichimlik suvi bilan ta’minlash bo‘yicha qurilish-montaj ishlari olib borilmoqda. Loyiha Xalqaro taraqqiyot uyushmasi va Osiyo infratuzilma investitsiyalari banki ishtirokida amalga oshirilmoqda.
Tuman hokimi Farrux Xoliqov Bog‘aro mahallasida bajarilayotgan ishlar bilan tanishib, qurilish jarayonini ko‘zdan kechirdi. Mas’ullarga ishlarni belgilangan muddatlarda, texnik talablar asosida sifatli yakunlash yuzasidan topshiriqlar berildi.
Loyiha Azlarsoy, Yangi shahar, Bog‘aro, Do‘stlik, Neftchilar, Beshqahramon, Ulug‘bek, Surxon sohili, To‘g‘on, Jiydali va Navbahor mahallalarini qamrab olgan.
