«Prezident Olimpiadasi» sport musobaqalarining ikkinchi kunida Surxondaryo viloyati vakillari dzyudo va og‘ir atletika bahslarida jami oltita medalni qo‘lga kiritdi.
Dzyudo bo‘yicha Termiz OPSTTM tarbiyalanuvchisi Bekzod Norboyev 38 kilogramm vazn toifasida kumush medalga sazovor bo‘ldi. Sariosiyo tumani sport maktabi tarbiyalanuvchisi Zavqiniso Iskandarova esa 44 kilogramm vazn toifasida bronza medalini qo‘lga kiritdi.
Og‘ir atletika bahslarida Sherobod tumani sport maktabi tarbiyalanuvchisi Jasmina Sadatova 40 kilogramm, Oltinsoy tumani sport maktabi tarbiyalanuvchisi Shomahmud Haydarov 50 kilogramm vazn toifasida bronza medali bilan taqdirlandi.
Termiz OPSTTM tarbiyalanuvchisi Zarina Ismatova esa 45 kilogramm vazn toifasida dast ko‘tarish va siltab ko‘tarish mashqlarining har birida bronza medalini qo‘lga kiritdi.
