Tibbiyot sohasida hamshiralik ta’limi va mutaxassislarini tayyorlash tizimini yanada rivojlantirish maqsadida yangi yondashuvlar joriy etiladi.
2027/2028-o‘quv yilidan Toshkent davlat tibbiyot universiteti tarkibidagi Hamshiralar akademiyasi negizida AQShning Pensilvaniya universiteti bilan hamkorlikda Ilg‘or tibbiy hamrohlik maktabi tashkil etiladi.
Shuningdek, “Oliy hamshiralik ishi” bakalavriat yo‘nalishi “Oliy tibbiy hamrohlik ishi”ga o‘zgartiriladi. Bitiruvchi ayollarga “hamshira”, erkaklarga esa “tibbiyot og‘asi” kvalifikatsiyasi beriladi.
Bakalavriatni tamomlagan hamshira va tibbiyot og‘alariga har oy mehnatga haq to‘lashning eng kam miqdorining 1 baravari, magistraturani tamomlaganlarga esa 2 baravari miqdorida ustama to‘lanadi.
