Sho‘rchi tumanida yangi o‘quv yili o‘zgacha ko‘tarinki ruh, ezgu niyat va katta maqsadlar bilan boshlandi. Tumandagi 1-umumta‘lim maktadidagi “Birinchi qo‘ng‘iroq” tadbirida Sho‘rchi tumani hokimi Akbarali Ishmurzoyev O‘zbekiston Respublikasi Prezidenti Shavkat Mirziyoyevning maktab o‘quvchilari, ustoz va murabbiylarga yo‘llagan bayram tabrigini o‘qib eshittirdi.
Prezidentimiz tabrigida yosh avlodning bilim olishi, zamonaviy kasb va hunarlarni egallashi, yurtimiz taraqqiyotiga munosib hissa qo‘shishi uchun yaratilayotgan imkoniyatlar alohida ta’kidlandi. Xalqimiz azaldan ta’lim-tarbiya, maktab va kitob, ustoz va ilm-odobni yuksak qadrlab kelgan.
Shiddatli yangilanishlar yo‘lidan borayotgan Yangi O‘zbekistonda ham maktab ta’limi jamiyat taraqqiyotining eng muhim ustunlaridan biri sifatida e’tirof etilmoqda. Tadbirda 1-sinf o‘quvchilariga Prezident sovg‘alari topshirildi.
