Aholiga sifatli va hamyonbop oziq-ovqat mahsulotlarini taklif etish, savdo xizmatlarini zamonaviy talablarga moslashtirish borasidagi ishlar Sherobod tumanida ham izchil davom etmoqda. Tumanning markaziy bozorida aholiga qulaylik yaratishga mo‘ljallangan zamonaviy go‘sht do‘konlari foydalanishga topshirildi. Savdo nuqtalarida mahsulotlarni sanitariya-gigiyena talablariga rioya qilgan holda saqlash va sotish, xaridorlarga sifatli xizmat ko‘rsatish uchun zarur sharoitlar yaratilgan.
Mustaqillik bayrami munosabati bilan tashkil etilgan go‘sht mahsulotlari yarmarkasida ayni kunlarda mol go‘shti 90 ming so‘mdan, qo‘y go‘shti esa 110 ming so‘mdan sotilmoqda. Bunday savdo yarmarkalari aholining kundalik ehtiyojlarini maqbul narxlarda ta’minlash, bozorlarda narxlar barqarorligini saqlash va bayram kunlari dasturxonlar fayzini oshirishga xizmat qilmoqda.
