Toshkent davlat tibbiyot universiteti Termiz filialida Surxondaryo viloyati Yoshlar ishlari boshqarmasi tashabbusi bilan “Tashabbuskor Ayol-qizlar marafoni” hamda “Qizlar Akademiyasi” platformasining targ‘ibot tadbiri tashkil etildi.
Mazkur forum yosh qizlarning bilim va salohiyatini yuzaga chiqarish, ularni tashabbuskorlik, liderlik va zamonaviy fikrlash ruhida qo‘llab-quvvatlashga xizmat qildi. Tadbirda turli sohalarda muvaffaqiyat qozongan ayol spikerlar o‘z tajribalari bilan o‘rtoqlashib, ishtirokchilarga motivatsiya ulashdilar.
Tadbir davomida faol qatnashgan talaba-qizlar “Qizlar ovozi” klubi tomonidan esdalik sovg‘alari bilan taqdirlandi.
Uchrashuv yosh qizlar qalbida katta maqsadlar sari intilish, o‘ziga bo‘lgan ishonch va yangi imkoniyatlarga ochilish ruhini yanada mustahkamladi.
