Surxondaryo viloyatida o‘quvchi-yoshlar o‘rtasida “Jasorat uchqunlari” harbiy-vatanparvarlik va sport musobaqasining hududiy bosqichi boshlandi. Tadbirning ochilish marosimida mutasaddilar ishtirok etib, ishtirokchilarga omad tiladi.
Musobaqada “Jasorat maktablari”ning 5–9-sinf o‘quvchilari jamoaviy tarzda saf tayyorgarligi, tibbiy ko‘nikmalar, robototexnika, huquqiy savodxonlik va milliy sport yo‘nalishlarida bellashmoqda.
Mazkur loyiha yoshlar orasida vatanparvarlik, intizom va mas’uliyat tuyg‘ularini mustahkamlash, ularni har tomonlama barkamol etib tarbiyalashda muhim ahamiyat kasb etadi.
