Jarqo‘rg‘on tumanida muborak Ramazon hayiti ko‘tarinki kayfiyat va shukronalik ruhida nishonlanmoqda. Bayram tongida barcha jome’ masjidlarda namozxonlar jam bo‘lib, hayit namozini ado etdilar.
Jumladan, Islomobod jome’ masjidida ham yuzlab yurtdoshlar bir safda turib, yurt tinchligi, xalq farovonligi va Vatan ravnaqi uchun duolar qildilar. Ma’ruzalarda tinchlikni asrash, mehr-oqibatni kuchaytirish va xayr-saxovatni kengaytirishning ahamiyati alohida ta’kidlandi.
Bugungi kunda Ramazon hayiti jamiyatda birdamlikni mustahkamlovchi, insonlarni ezgulikka chorlovchi muhim ma’naviy omil sifatida yanada dolzarb ahamiyat kasb etmoqda. Bayram munosabati bilan tumanda xayriya tadbirlari va savobli ishlar keng davom etmoqda.
