2026-yil 1-apreldan boshlab O‘zbekistonda AYoQShlarda benzin va metan uchun, shuningdek elektromobillarni quvvatlash hamda elektr, gaz va suv xizmatlari uchun naqd pulda to‘lov qilish bekor qilinadi. Endilikda barcha to‘lovlar bank kartalari va elektron to‘lov vositalari orqali amalga oshiriladi.
Mazkur qaror iqtisodiyotda shaffoflikni ta’minlash, “soya iqtisodiyoti” va noqonuniy hisob-kitoblarga barham berish maqsadida qabul qilingan. Naqdsiz to‘lovlar orqali barcha moliyaviy operatsiyalar raqamli tarzda qayd etilib, nazorat kuchaytiriladi.
Shuningdek, ushbu tizim aholiga qulaylik yaratib, to‘lovlarni tez va xavfsiz amalga oshirish, xarajatlarni oson nazorat qilish imkonini beradi.
