O‘zbekiston Respublikasi Iqtisodiyot va moliya vazirining o‘rinbosari Axadbek Xaydarov hamda Soliq qo‘mitasining mas’ul xodimlari ishtirokida Surxondaryo viloyatining kelgusi yilga mo‘ljallangan mahalliy budjet parametrlari loyihasi muhokama qilindi.
Yig‘ilishda mahalliy byudjetni shakllantirish, uning daromad manbalari, xarajatlar tarkibi, shuningdek, mablag‘larning samarali va maqsadli taqsimlanishi masalalariga alohida e’tibor qaratildi. Xususan, kelgusi yilda budjet xarajatlarining 65 foizi — 3 trillion 965,7 milliard so‘mi ijtimoiy sohaga yo‘naltirilishi belgilanib, mazkur ko‘rsatkich joriy yilga nisbatan 416 milliard so‘mga ko‘p ekani ta’kidlandi.
Shuningdek, mahalliy budjetlar barqarorligini ta’minlash, aholi farovonligini oshirishga qaratilgan ijtimoiy-iqtisodiy dasturlarni o‘z vaqtida va to‘liq moliyalashtirish bo‘yicha tegishli taklif va tavsiyalar bildirildi.
