1-yanvardan boshlab Rossiyada migrantlar uchun rus tili, Rossiya tarixi hamda qonunchilik asoslari bo‘yicha imtihonlar elektron formatda o‘tkaziladi. Ushbu yangilik imtihon jarayonini soddalashtirish, shaffoflikni oshirish va ishtirokchilar uchun qulaylik yaratishga qaratilgan.
Elektron format imtihon topshiruvchilarga vaqtni tejash imkonini beradi: hujjatlar bilan bog‘liq ortiqcha ovoragarchilik kamayadi, natijalar esa tezroq e’lon qilinadi. Shuningdek, testlar yagona elektron tizim orqali o‘tkazilishi inson omili ta’sirini kamaytirib, baholashning adolatli va aniq bo‘lishini ta’minlaydi.
Yana bir muhim jihat —eElektron imtihonlar zamonaviy texnologiyalar asosida tashkil etilgani sababli, savollar tushunarli shaklda taqdim etiladi, topshiriqlarni bajarish esa osonlashadi. Bu, ayniqsa, Rossiyada ishlash yoki yashashni rejalashtirayotgan migrantlar uchun moslashuv jarayonini yengillashtiradi.
