Qiziriq tumanidagi 14-sonli umumta’lim maktabida “Qorboboga xat” aksiyasi o‘tkazildi. Bunda 4-sinf o‘quvchisi Diyoraxon Amirjonova Qorboboga yozgan maktubida yangi yil tadbiriga tuman hokimining tashrifi va u bilan birga rasmga tushishni orzu qilishini yozgan.
Jajji qizaloqning orzusini ro‘yobga chiqarish uchun tuman hokimi Sherxon Allamurotov tumandagi 14-sonli umumta’lim maktabiga tashrif buyurdi. Tashrif davomida hokim maktabning 4-sinf o‘quvchlari bilan samimiy suhbatlashib, ularning kelgusidagi orzu-maqsadlari, intilishlari bilan qiziqdi. Bolajonlarning yuragidagi orzularni tinglash, unga e’tibor qaratish — katta ma’naviy ahamiyatga ega ekanligi yana bir bor namoyon bo‘ldi.
