Musobaqaga Surxondaryo mezbonlik qildi

Sportga yo‘ldosh insonning tani sog‘, jismonan tetik bo‘ladi. Sog‘lom turmush tarziga amal qiladi. Yaxshiga yo‘ldosh, yomondan uzoq turadi. Shu sababdan ham yoshlarni u yoki bu sport turiga qiziqtirishga, ularni mardi maydon qilib, munosib rag‘batlantirishga harakat qilamiz.
Termiz tumanidagi sport maktabida umumta’lim maktablarining 5-10-sinf o‘quvchilari o‘rtasida ham dzyudo sport turi bo‘yicha “Maktabgacha va maktab ta’limi vaziri kubogi” sport musobaqalarining respublika bosqichi bo‘lib o‘tdi. Unda viloyat bosqichlarida g‘oliblikni qo‘lga kiritgan o‘quvchilar 14 ta vazn toifasida o‘zaro bellashishdi. Qashqadaryolik yoshlar bo‘sh kelmay, birinchi o‘rinni egallashgan bo‘lishsa, samarqandliklar ikkinchi bo‘lishdi. Mezbon jamoalar ham bo‘l kelishmadi va uchinchi o‘rinni band etishdi.
Qizg‘in kechgan musobaqalar yakunida g‘olib va sovrindorlarga diplom hamda esdalik sovg‘alari topshirildi.