Yoshlar gulxan atrofida jam

Uyushmagan yoshlar bilan ishlashning o‘ziga xos mexanizmi ishlab chiqilganidan, rahbarlar tomonidan otaliqqa olinganidan xabaringiz bor. Bugun ana shunday yoshlar bilan ishlash uchun ular bilan yanada yaqinroq bo‘lishga, ularning muammolarini o‘rganib, jamiyatda o‘z o‘rnilarini topishga urinishlar o‘z samarasini berayotir.
Uzun tuman IIB boshlig‘i, 3-sektor rahbari O.X.Ergashev “Nurafshon” mahallasi hududdagi 14-30 yoshgacha bo‘lgan “Otaliqqa olingan” uyushmagan yoshlar bilan ishlashda turli tadbirlar o‘ylab topadi. Bu safar ham sektor rahbarinng tashabbusi bilan badiiy kecha tashkil etildi.
Yoshlar bir gulxan atrofida jam bo‘ldilar. Shundan so‘ng, samimiy suhbat boshlandi. Suhbat she’rxonlik tadbirlari, raqs va kuy-qo‘shiqlar ijrosiga ulandi. Muhimi, yoshlar dildan suhbat qurib, ma’naviy jihatdan xordiq chiqardilar.