Xavfsizlik muhim, ayniqsa, jamoat joylarida. Birgina ehtiyotsizlik yoki e’tiborsizlik, ortga qaytarib bo‘lmas xatolarga olib kelishi mumkin. Ana shunday xatolarga yo‘l qo‘\ymaslik maqsadida Termiz shahrida joylashgan “Yashil dunyo markaziy oziq-ovqat dehqon bozori” MCHJda Surxondaryo viloyati Favqulodda vaziyatlar boshqarmasi mas’ullari ishtirokida profilaktik tadbirlar o‘tkazildi.
Jarayonda bozordagi yong‘in xavfsizligi holati o‘rganilib, mavjud kamchiliklar yuzasidan bozor ma’muriyati faoliyati tanqidiy muhokama qilindi. Aniqlangan kamchiliklarni bartaraf etish, xavfsizlik talablariga qat’iy rioya etish va fuqarolar uchun xavfsiz muhit yaratish bo‘yicha tegishli topshiriqlar berildi.
