Tadbirli va qo‘li gul inson bir qarich yerni-da gullatib, undan foyda olishni biladi. Bugun daftarlarga kiritilgan fuqarolar uchun ishsizlik muammo bo‘lmay qoldi. Ular oylik maoshli ishdan ko‘ra ko‘proq daromad topishlari mumkin. Yurtimizda amalga oshirilayotgan islohotlar negizida ham ayni shu maqsad mujassam.
Ayniqsa, mahallalardagi “Temir daftar”, “Ayollar daftari”, “Yoshlar daftari”ga kiritilgan ishsiz fuqarolar endilikda yer maydonlarini yutib olish uchun auksionda ishtirok etishlari va ushbu yer maydonida dehqonchilik qilish imkoniyatlariga ega bo‘lgani quvonchli voqea bo‘ldi.
Qiziriq tumanidagi “Takiya”, “Istara”, “Yangikent” mahallalarida yer-auksioniga chiqarilgan lotlar g‘olib fuqarolarga 10 yil muddatga dehqon xo‘jaligida foydalanishi uchun kadastr xujjatlari topshirildi.
Auksionda ishtirok etib, g‘olib bo‘lgan fuqarolarning quvonchi cheksiz. Sababi ularning bandligi ta’minlandi va bu esa qo‘shimcha daromad manbaalarining yuzaga kelishiga sabab bo‘ladi.
S.Normurodova
