Savobli ishlarga bel bog‘lashgan

Date:

Yoshlar ishlari agentligi Surxondaryo viloyati boshqarmasi koordinatorlari savobli ishlarga bel bog‘lashgan. Boshqarma qoshida “Inklyuziv” kasb-hunar ta’lim markazi o‘z faoliyatini boshlaganiga hali ko‘p bo‘lmadi.

Ammo, najot istab, hunar sirlarini o‘rganishni niyat qilib kelguvchilar kunda, kun ora kelib, to‘garaklarga yozilishadi. Tikish-bichish deysizmi, munchoqlardan taqinchog‘-u suvenirlar yasashni o‘rganishmi, tasviriy san’at sirlari deysizmi, barchasi o‘z ishining ustalari tomonidan katta g‘amxo‘rlik ostida o‘rgatib kelinayotir. Markazda to‘garak a’zolari mehr qo‘ri bilan yasalgan va tikib-bichilgan mahsulotlar yarmarkasi tez-tez tashkil etib boriladi. Tushgan mablag‘lar esa kerakli anjomlar, homashyolar uchun sarflanadi. To‘garak a’zolari rag‘batlantiriladi.

Kemtik ko‘ngillar vaqtlarini mazmunli o‘tkazadigan, foydali ish bilan shug‘ullanadigan mashg‘ulotlarda allaqachon bir oiladek bo‘lib ketishgan. Otabek Jumayev va Gulhayo Jurayevalar esa bir-birlariga ko‘ngil berib, oila atalmish qo‘rg‘onni qurishni niyat qilishdi. Ezgu niyatlar Termiz shahridagi “O‘zbegim” tantanalar saroyida nikoh oqshomiga ulanib ketdi. Ikki yoshning yaqinlari va do‘stlari jam bo‘lib, eng yaxshi tilaklarni bildirdilar.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Istiqbolli loyihalardan tomonlar manfaatdor

Surxondaryo kundan kunga chiroy ochib, obod ko‘rinish kasb etmoqda....

Jalinga interaktiv studiyasi ish boshladi

Bugun ijtimoiy tarmoqlar, media mahsulotlari tayyorlar, shu yo‘nalishda ijod...

… foydalanishga topshirildi

Tibbiyot sohasiga qaratilayotgan e’tibor negizida xalq salomatlgini asrash yotadi....

Taktik mashg‘ulotlar o‘tkazildi

Qurbon hayiti bayramiga ham sanoqli kunlar qoldi. Qutlug‘ sanani...
KunTun
KunTun