1,2 milliard so‘m zarar…

Tabiiy resurslarni tejashni, ulardan foydalanganimiz uchun to‘lovlarni esa vaqtida amalga oshirishni tavsiya etayotgan bir paytda, ularni o‘g‘rincha ishlatib, naf ko‘rmoqchi bo‘ladiganlar ham bor. Bosh prokuratura huzuridagi Departamentning Boysun tuman bo‘limi tomonidan “Suvinspektsiyaning” Surxondaryo viloyat hududiy bo‘limi xodimlari bilan hamkorlikda tekshiruv o‘tkazildi.
Tekshiruv davomida hududdagi 7 ta fermer xo‘jaligi mas’ul shaxslari hech qanday hujjatsiz magistral ichimlik suvi tarmog‘iga o‘zboshimchalik bilan ulanib olishgani aniqlandi. Bu bilan ular davlat va jamiyat manfaatlariga jami 1,2 milliard so‘m zarar yetkazishgan.