Yangi loyihalar taqdimoti bilan tanishildi

“20 ming tadbirkor 500 ming malakali mutaxassis” loyihasi bugun katta-katta ishlarga, yaratuvchanlikka, bunyokorlikka sabab bo‘lyapti. Ushbu loyiha ishtirokchisi “Mega-Stroy-Start” mas’uliyati cheklangan jamiyati tomonidan esa zamonaviy klinikaning barpo etilayotgani esa fikrimiz isboti. Loyiha qiymati 11,5 milliard so‘mni tashkil etadi va mazkur klinikada davolash va diagnostika uskunalari Xitoy va Germaniya davlatidan olib kelinadi.
Qurilishi rejalashtirilayotgan klinika foydalanishga topshirilsa bormi, yillik xizmat ko‘rsatish xajmi 1,2 milliard so‘mni tashkil qiladi va 20 ta yangi ish o‘rni yaratiladi. Surxondaryo viloyati hokimi Ulug‘bek Qosimov Sho‘rchi tumanida bo‘lib, ushbu zamonaviy klinika loyihasining taqdimoti bilan tanishdi.
Shuningdek, viloyat rahbari tuman markazidagi “Mustaqillik” va “Amir Temur” ko‘chalarini obodonlashtirish rejasi bilan ham tanishdi. Suhbat davomida mas’ullarga loyiha yuzasidan taklif va tavsiyalar berilib, hududni obod, fayzli, aholi xordiq chiqaradigan maskanga aylantirish vazifasi yuklandi.