IIB xodimlari “kurash”di

Mardlar maydonga tushsa, katta kurash bo‘ladi. Bunday kurashlar el og‘ziga tushib ovoza bo‘ladi. Polvonning mardligi esa dong‘i ketadi. Shu sababdan ham azaldan yurtimizda kurashlar o‘tkazilib, polvonlar mardi maydon qilingan.
O‘zbekiston Qurolli Kuchlari tashkil etilganining 32 yilligi va Vatan himoyachilari kuni munosabati bilan ham urf-odam va qadriyatlarimizga sodiq qolgan holda Angor tumani IIB sohaviy xizmat va bo‘lim xodimlari o‘rtasida sportning milliy kurash turi bo‘yicha musobaqa o‘tkazildi.
Musobaqada xizmat xodimlari orasida bilagida kuchi, yuragida o‘ti borlari maydonga tushdi. Kurash jarayonini kuzatish esa barchada katta qiziqish uyg‘otdi. Yakunda esa gʻoliblarga diplom va esdalik sovg‘alari topshirildi.