Yoshlar tadbirkorligini qo‘llab-quvvatlash maqsadida…

Tadbirli, tashabbuskor yoshlar doimo qadrlanadi va munosib qo‘llab-quvvatlanib kelinadi. ishsizmi, tadbirkorlik qilish istagi bormi, qiziqish va layoqatidan kelib chiqib, har bir fuqaro kredit olishi, o‘z ishni boshlashi mumkin. Bunda kreditlarning imtiyozli berilayotgani bo‘lajak tadbirkorlarga qo‘l kelmoqda.
Davlatimiz rahbarining Surxondaryo viloyatiga tashrifidan so‘ng, vohalik yoshlarning tadbirkorlik faoliyatlarini qo‘llab-quvvatlash, ularning yangi innovatsion loyihalarini amalga oshirishga ko‘maklashish maqsadida “Surxondaryo viloyatida yoshlarni tadbirkorligini qo‘llab-quvvatlashga doir chora-tadbirlari to‘g‘risida”gi qarori bilan 40 million AQSh dollari miqdoridagi mablag‘ Surxondaryo viloyati yoshlar sanoat va tadbirkorlik zonalaridagi loyihalarni moliyalashtirish uchun yo‘naltirilgani yoshlar uchun katta imkon eshiklarini ochib berdi.
Angor tumanida ushbu imkoniyatdan samarali foydalanish, yangi taklif va tashabbuslarni tinglash maqsadida yosh tadbirkorlar bilan uchrashuv o‘tkazildi. Uchrashuv davomida yoshlarning yangi taklif va tashabbuslari tinglandi hamda yoshlar sanoat va tadbirkorlik zonasida “Sanoat-ipotekasi” dasturi tizimini joriy etish va kredit ajratish tartiblari haqida batafsil tushuntirishlar berildi.