Gilamchilik qadimiy va momolarimiz mashg‘ul bo‘lgan, qadriyat tusini olgan hunarmandchilik turidir. Ayniqsa, gilam uy-ro‘zg‘orimizda doimo kerak bo‘ladigan, xonadonimizni nafaqat bezaydigan, balki issig‘-u sovuqdan asraydigan qimmatli buyumdir. U uzoq muddat xizmat qilib, ko‘nglimizni xushnud etadi. Gilamchilik bilan mashg‘ul bo‘lgan hunarmandlar uchun gilam to‘qish jarayoni, gul va naqshlar chiqarish qiziqarli. Mehnati natijasi esa ishiga bo‘lgan mehrini oshirsa, ularning xaridori chiqib, o‘z egasini topganida hunarmand bor charchoqlarini unutib yuborsa, ajabmas.
Jarqo‘rg‘on tuman hokimi tumanda hunarmandchiikni rivojlantirish, aholini foydali mehnatga jalb etish maqsadida hunarmand Malika Suvonovaning mehnati va hunaridan foydalanishni niyat qildi. Va 11 nafar ayol “taqir gilam” to‘qishni o‘rganib kelish uchun vodiy viloyatiga jo‘nab ketadi. Hunar o‘rganib qaytgan to‘quvchilarimiz yordamida joriy yilda 300 nafar, 2024-yilda 1000 nafar ishsiz xotin-qizning bandligi taʼminlanadi.
Aytish kerakki, tadbirkor M.Suvonova tomonidan gilamchilikni mukammal o‘rgangan fuqarolarga uylarida ishlash uchun kasanachilik asosida dastgoh beriladi va to‘qilgan gilamning har bir 1 m³ uchun 140 000 (bir yuz qirq ming) so‘mdan, bir oyda 30 m³ to‘qigan ayol 4 200 000 (to‘rt million ikki yuz ming) so‘m ish haqi oladi.
Sohibjamol
