Shahar va tumanlarda, chekka-chekka qishloq va ovullargacha bugun ma’naviyat, ma’rifat kirib boryapti. Buni qad rostlab, foydalanishga topshrilayotgan Ma’naviyat va ma’rifat maskanlaridan ham bilsa bo‘ladi. Demak, yoshlarning kelajak taqdiridan, ertangi kunidan qayg‘urmasa ham bo‘ladi. Sababi ma’naviyatga, kitobga oshno yoshdan yomonlik, buzg‘unchilik chiqmaydi.
Sho‘rchi tumanida o‘z faoliyatini boshlagan Ma’naviyat va ma’rifat maskani ham ana shunday ahamiyatga ega. Bu maskan yoshlarning o‘z ustida ishlashi, adabiyotga oshno bo‘lishi, iste’dodlarini ro‘yobga chiqarishga xizmat qiladi.
Maskanning ochilishi tumandagi yosh-u keksani befarq qoldirmadi. Quvontirdi, e’tibor qaratishga chorladi. Shu sababdan ham ochilish marosimi haqiqiy bayramga, o‘ziga xos xursandchilikka aylanib ketdi. Marosimda so‘zga chiqqanlar yoshlarni amalga oshirilayotgan bunyodkorlik ishlari, yurt ravnaqi uchun daxldorlik hissi va mas’uliyat tuyg‘usi ila yuksak marralar sari odimlashga chorladi.
Hilol
