Janubda “Eng ilg‘or batalyon (divizion)” ko‘rik-tanloviga start berildi

Date:

Mamlakatimizda harbiy xizmat nufuzini yuksaltirish va Qurolli Kuchlarimiz jangovar shayligini yanada oshirish maqsadida olib borilayotgan amaliy ishlardan biri – Mudofaa vazirligi qo‘shinlarida turli tanlovlar, musobaqalar o‘tkazilishiga alohida e’tibor qaratilmoqda. Janubi-g‘arbiy maxsus harbiy okrug tasarrufidagi Termiz, Kakaydi garnizonlarida “Eng ilg‘or batalyon (divizion)” ko‘rik-tanloviga start berildi.

Tanlovning maqsadi O‘zbekiston Respublikasi Mudofaa vazirligi qo‘shinlarida batalyon taktik guruhlarining jangovar tayyorgarlik darajasini va bo‘linmalarning hamjihatligini yanada mustahkamlash, ular o‘rtasida sog‘lom raqobat muhitini shakllantirishdan iboratdir.

Dastlab batalyon shaxsiy tarkibi bilan saf ko‘rigi o‘tkazildi. Saf ko‘rigida ularning yuk qoplari, komandirlik sumkalari va harbiy xizmatchining shaxsiy hujjatlari tekshirildi. Saf tayyorgarligi usullari sinovdan o‘tkazildi. Shundan so‘ng, bo‘linmalarning qurol-aslahalari va texniklarining holati va saqlanishi, o‘quv moddiy bazalarining holati hamda batalyon shtabining jangovar vazifalari bo‘yicha ishlab chiqilgan hujjatlar tekshirildi.

Tasdiqlangan rejaga asosan harbiy xizmatchilardan shu kunining o‘zida jismoniy tayyorgarlikdan (tezlik, chidamlilik, chaqqonlik va kuch sifatlari bo‘yicha me’yorlar va Kupper test) qabul qilindi.
Tanlov 14-oktyabrga qadar davom etadi.

Akbar AHMEDOV,
III darajali serjant,
Termiz garnizoni

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Halollik standarti joriy etiladimi?

Korrupsiya har doim to‘xtaladigan va sarlavhasini ko‘rgandayoq ensa qotadigan...

Imkoniyati sinovdan o‘tdi

Mamlakatimizda fuqarolar tili, millati, irqi, ijtimoiy kelib chiqishidan qat’i...

Tezkor choralar ko‘rish uchun…

Tabiiy ofatlar so‘rab kelmaydi. Shunday ekan, har birimiz ogoh...

Iqtidorlar kashf etildi

"Turon" maktab teatri respublika tanloviga start berilgani maktabdagi iqtidorli,...
KunTun
KunTun