Surxondaryo viloyatidagi umumta’lim maktablariga ilg‘or xorijiy ta’lim tajribalarini joriy etish va o‘qitish sifatini oshirish maqsadida 56 nafar xorijiy mutaxassis jalb etilgan.
Ular zamonaviy ta’lim metodlari asosida o‘quvchilarga saboq berish bilan birga, mahalliy pedagoglar bilan tajriba almashib, ularning kasbiy mahoratini oshirishga ham hissa qo‘shmoqda.
Mazkur ishlar 2023-yil 28-avgustdagi videoselektor yig‘ilishida belgilangan vazifalar ijrosi doirasida amalga oshirilmoqda. Xorijiy mutaxassislar faoliyati o‘quvchilarning bilim va amaliy ko‘nikmalarini rivojlantirish, maktablarda ta’lim sifatini yangi bosqichga olib chiqishga xizmat qilmoqda.
