Sportdagi yutuqlar hududlarda sportni rivojlantirish, yoshlarni sog‘lom turmush tarziga keng jalb etish va iste’dodli sportchilarni qo‘llab-quvvatlashda muhim ahamiyatga ega.
Kattalar o‘rtasida yengil atletika bo‘yicha o‘tkazilgan O‘zbekiston kubogi musobaqasida Sariosiyo tumani Sharg‘un shahar sport maktabi treneri Xurramova Shoxsanam 1500 metr masofaga yugurish bahslarida birinchi o‘rinni egalladi.
Ushbu natija sportchining mahorati va muntazam mehnati samarasidir. Bunday yutuqlar hududda yengil atletikaga bo‘lgan qiziqishni oshirish, yosh sportchilarni yangi marralar sari ruhlantirishga xizmat qiladi.
