Termiz shahrida kichik o‘smirlar o‘rtasida kamondan otish bo‘yicha O‘zbekiston kubogi musobaqasi bo‘lib o‘tdi.
Uch kun davom etgan bellashuvlarda mamlakatimizning turli hududlaridan tashrif buyurgan o‘smir o‘g‘il-qizlar g‘oliblik uchun bahslashib, o‘z mahorati va merganlik qobiliyatlarini namoyish etdilar.
Umumjamoa hisobida Farg‘ona viloyati jamoasi birinchi o‘rinni egalladi. Surxondaryo va Samarqand viloyatlari jamoalari ikkinchi, Sirdaryo viloyati jamoasi esa uchinchi o‘rinni qo‘lga kiritdi.
Musobaqa yakunida g‘olib va sovrindorlar tantanali ravishda taqdirlandi. Ularga kubok, medallar, diplomlar hamda esdalik sovg‘alari topshirildi.
