Surxondaryo viloyati hokimi Ulug‘bek Qosimov Bandixon tumanining Tangimush massivida amalga oshirilayotgan qurilish ishlari bilan tanishdi.
4R-105 “Darband–Boysun–Elbayon” avtomobil yo‘li bo‘yida joylashgan 60 gektar maydonda savdo va xizmat ko‘rsatish infratuzilmasini rivojlantirish ishlari olib borilmoqda. Jumladan, “Tangimush Chavandozi” MCHJ tomonidan chorva va oziq-ovqat bozori qurilishi yakuniy bosqichga yetkazilmoqda. Loyiha hududda savdo imkoniyatlarini kengaytirish va yangi ish o‘rinlarini yaratishga xizmat qiladi.
Shuningdek, viloyat hokimi “Yangi O‘zbekiston qiyofasidagi” mahalla sifatida tanlangan Obikor mahallasida barpo etilayotgan zamonaviy mahalla guzari va mahalla binosidagi qurilish ishlari bilan tanishdi.
Tashrif davomida loyihalarni sifatli va o‘z vaqtida yakunlash, hududda aholi uchun qulay sharoitlar yaratish yuzasidan mas’ullarga tegishli topshiriqlar berildi.
