Surxondaryo bo‘ylab Mustaqillik shodiyonalari davom etayotir. Barchada bayram kayfiyati hukmron. Uzun tumanidagi ko‘p tarmoqli markaziy poliklinikaning foydalanishga topshirilgani tuman ahli uchun qo‘shaloq bayram bo‘ldi.
Investitsiya dasturi doirasida tuman tibbiyot birlashmasi hududida qad rostlagan ushbu uch qavatli ko‘p tarmoqli markaziy poliklinikasini kapital ta’mirlab, foydalanishga topshirish uchun 4 milliard 462 million so‘m mablag‘ sarflandi. 200 qatnovga mo‘ljallangan tibbiyot muassasasi zamonaviy tibbiy asbob-uskunalar, axborot-kommunikatsiya vositalari bilan jihozlandi.
Ushbu uskunalar kasallikni va uning darajasini erta aniqlashda, samarali davolashda qo‘l keladi. albatta, bunday qulayliklar tuman aholisining dardini aritib, uzog‘ini yaqin, mushkulini oson qiladi.
S.Davlatova
