O‘zbekistonda yirik oliy ta’lim muassasalari hamda respublika ixtisoslashtirilgan tibbiyot markazlari faoliyatiga xususiy sektorni jalb etishning yangi mexanizmlari joriy etiladi.
27-avgust kuni imzolangan Prezident farmoniga ko‘ra, yirik OTMlar va respublika ixtisoslashtirilgan tibbiyot markazlari bosqichma-bosqich xo‘jalik jamiyatlariga aylantiriladi. Ularning faoliyatiga xususiy investorlarni, jumladan, ustav kapitalidagi aksiyalar paketini ommaviy savdolarga chiqarish orqali jalb etish imkoniyati yaratiladi.
Mazkur o‘zgarishlar ta’lim va tibbiyot sohalariga investitsiyalarni kengaytirish, boshqaruv samaradorligini oshirish hamda zamonaviy xizmatlarni rivojlantirishga qaratilgan.
Tegishli takliflar 2026-yil 1-noyabrga qadar Prezident Administratsiyasiga kiritilishi belgilangan.
