Yoshlarni giyohvandlik xavfidan himoya qilish faqat uning zararini tushuntirish bilan cheklanmaydi. Muhimi, ularda salbiy ta’sirlarga qarshi tura olish, to‘g‘ri qaror qabul qilish va zarur paytda yordam so‘rash ko‘nikmalarini shakllantirishdir.
Shu maqsadda Termiz shahar 2-son texnikumida o‘quvchilar ishtirokida giyohvandlikning tibbiy, ruhiy va huquqiy oqibatlariga bag‘ishlangan davra suhbati hamda ochiq muloqot tashkil etildi. Mutaxassislar va psixologlar ishtirokidagi uchrashuvlarda zararli odatlarning inson hayotiga ta’siri, xavfli vaziyatlarda to‘g‘ri yo‘l tutish hamda qonunchilikda belgilangan javobgarlik choralari tushuntirildi.
Bunday profilaktik ishlarning samarasi yoshlarni shunchaki ogohlantirishda emas, balki ularni to‘g‘ri tanlov qilishga o‘rgatish, muammolarini ochiq ayta oladigan muhit yaratish va sog‘lom turmush tarziga yo‘naltirishda namoyon bo‘ladi. Shu bois texnikumda yoshlar bilan targ‘ibot-tushuntirish ishlarini davom ettirishga e’tibor qaratilmoqda.
Maxsuda Sherbutayeva,
Termiz shahar 2-son texnikumi o‘qituvchisi
