Yoshlarni sifatli ta’lim va zamonaviy kasb-hunarlarga yo‘naltirish, ularning bandligini ta’minlash — bugungi kunning muhim vazifalaridan.
Surxondaryo viloyati hokimi Ulug‘bek Qosimovning Denov tumaniga tashrifi doirasida Denov tadbirkorlik va pedagogika institutida yoshlarning ta’limi va bandligiga bag‘ishlangan ochiq muloqot o‘tkazildi.
Unda yoshlarni mehnat bozorida talab yuqori bo‘lgan kasblarga o‘qitish, ta’limni amaliyot bilan uyg‘unlashtirish va bitiruvchilarni ish bilan ta’minlash masalalari muhokama qilindi.
Mas’ullarga yoshlarning bilim va ko‘nikmalarini oshirish hamda kelgusida barqaror daromad manbaiga ega bo‘lishini ta’minlash yuzasidan topshiriqlar berildi.
