O‘zbekiston Respublikasi davlat mustaqilligining 35 yilligi munosabati bilan el-yurt ravnaqiga hissa qo‘shayotgan tashabbuskor yurtdoshlarimiz munosib e’tirof etilmoqda.
Mehrobod mahallasida yashovchi tadbirkor Nilufar Musulmonova Prezident Farmoniga ko‘ra esdalik nishoni bilan taqdirlandi. U o‘zining halol mehnati bilan gulchilik faoliyatini yo‘lga qo‘yib, oilasiga daromad keltirish bilan birga, Mehrobod va Gultepa mahallalaridagi ishsiz xotin-qizlar bandligini ta’minlab kelmoqda.
Xalqimiz farovonligi va hududlar taraqqiyoti yo‘lida sidqidildan mehnat qilayotgan bunday fidoyi yurtdoshlarimiz xizmati doimo qadrga loyiq!
