Muzrabot tumani hokimi Abdulla Mamatqulov “Oks Aleksandriyasi” (Kampirtepa) arxeologiya yodgorligida olib borilayotgan qurilish, restavratsiya va obodonlashtirish ishlari bilan tanishdi.
Ayni paytda majmuaning kirish qismi va tashrif buyuruvchilarni qabul qilish hududida qayta qurish ishlari davom etmoqda. Obyektning tarixiy o‘ziga xosligini saqlagan holda zamonaviy sayyohlik maskaniga aylantirish asosiy maqsad qilib belgilangan.
Tuman hokimi jarayondagi kamchiliklarni bartaraf etish, ishlarni loyiha talablari bo‘yicha sifatli bajarish hamda yodgorlikni belgilangan muddatda foydalanishga topshirish yuzasidan mas’ullarga topshiriqlar berdi.
