O‘zbekiston Respublikasi davlat mustaqilligining 35 yilligi munosabati bilan Uzun tumanida “Yagona Vatan, yagona xalq bo‘lib, yangi hayot va kelajak yaratamiz” shiori ostida bayram tadbiri ko‘tarinki ruhda tashkil etildi.
“Shodlik” istirohat bog‘ida bo‘lib o‘tgan tantanali tadbirda keng jamoatchilik vakillari, nuroniylar, yoshlar hamda faol fuqarolar ishtirok etib, ulug‘ ayyom shukuhiga sherik bo‘ldilar.
Tadbir davomida Mustaqillikning xalqimiz hayotidagi beqiyos ahamiyati, yurtimizda amalga oshirilayotgan bunyodkorlik ishlari va ezgu islohotlar haqida so‘z yuritildi.
Bayram tadbirining badiiy qismida kuy-qo‘shiq va raqslar ijro etilib, yig‘ilganlarga ko‘tarinki kayfiyat, bayramona zavq va unutilmas taassurotlar ulashildi.
