Yosh iste’dodlarni qo‘llab-quvvatlash va sportga keng jalb etish o‘z samarasini bermoqda. Buni gimnastika bo‘yicha “Ilk qadam” musobaqasida qayd etilgan natijalar yana bir bor tasdiqladi.
Musobaqaning viloyat bosqichida Oltinsoy tumani Sport maktabi hamda 1-son davlat maktabgacha ta’lim tashkiloti tarbiyalanuvchisi Allaberdyeva Mehrimoh yorqin chiqishi, nafis va ishonchli ijrosi bilan hakamlar e’tirofiga sazovor bo‘lib, faxrli 1-o‘rinni egalladi.
Mazkur g‘alaba Mehrimohga musobaqaning Respublika bosqichiga yo‘llanmani taqdim etdi. Yosh gimnastikachining bu yutug‘i uning iste’dodi, mehnatsevarligi va kelajakdagi ulkan muvaffaqiyatlari uchun mustahkam zamin bo‘ldi.
